JAI GOPINATH

राजा सगर का राज मां एक परिवार छयो जौंका गोर घोर नि आया सभी ढूढण लगीगौ गोधूली बगत ह्वेगे महादेव जी गोरू मेरा घोर नि आया महादेव जी आज यन क्य ह्वे ग्यई महादेव जी गोरू मेरा घोर नि आया महादेव जी खोजदा-खोजदा पौछी गोपेश्वर का बण खोजदा-खोजदा पौछी बांज का जंगल महादेव जी। कल्पेडाली पिछने मेरी गोडी दिखे ग्याई औँणी छन गोडी दूधे धारी लगी राई आज मेरी गोडी कख दूध छोडी आई कल्पेडाली पिछने देखी त आंखी खुली रैगी। प्रगट ह्वे ग्याई मेरा भूमी का भुम्याल दर्शन ह्वेगेन मेरा गोपीनाथ जी जय देवी जयन मेरा रूद्रनाथ जी तुम्हारा चरणों मग गोपीनाथ जी तुम होला भगवान मेरा रूद्रनाथ जी गोपेश्वर मंग मेरा गोपीनाथ जी ध्यान लान्दो तुम्हारू मेरा रूद्रनाथ जी। हां आगासे जन रूप तेरू गोपीनाथ जी चण्ड-मुण्ड, गणेश संघ नवदुर्गा भवानी सप्त मातृका भवानी त्वे सेवा लगोंदा बारामासी फूलदी तेरी कुंजबेला डाली एक हाथ डमरू तेरू एक हाथ त्रिशूल एक हाथ धगुली तेरी एक खुटी कंकड़ बणफूलों की माला मुण्ड कंचन्या चनर फर्शाधारी त्रिशूल प्रभु कन तुम्हारू घेंट्यू रती का तप पर तुम्हारी कन कृपा ह्वेगे रती का नाम से बाबा रति कुण्ड बडाई कामदेव रति सदानि रति कुण्ड बसीगे माछुरी का रूप मां बेतरणी तरीगे तेरू त ही रूप बाबा रुद्रनाथ जी सेणा सी बुग्याल होला पनार का धार कौल फूलों की क्यारी होली बुग्याल खरक गणों की ठिठोली संघ भगतों की टोली द्यू धुप्याणू पैलि तेरा चरण लगोंदा तेरा नो की अग्याल पैली हम धरोंदा जस कुशल रख्यॉ सदानी भगतों अपणां रोणु बाबा सदानी भगती का आधीन।।।।।।