Yaadein

Yaadein teri mujhko kyu, chhodke nahi jaati, Tu ja chuki hai to, teri yaadein kyu sataati, Main likhne baithu jab bhi, saali firse aa hi jaati, Sukoon nahi hai tere bin, seene mein zara bhi. . Main hasta sabke saamne, par khud se hoon khafa main, Chaaha tujhe bhoolna, maine kai dafa hai, Aaine se bhi nazrein main milaata hi nahi, Wo saala jaanta hai, ab bhi tujh mein hoon fansa main. . Raatein mujhse poochhti hain, “Tu jaagta hai kyun?” Ab bhi uske peeche, tu bhaagta hai kyun? Dil ye kehta hai, “Tu bhool ja use,” Khwabon mein usi ko roz raat taakta hai kyun? . Kai baar socha dil ne, sab main chhod du, Likhke naam tera, main kalam ko tod du, Yaadein jo teri hain, wo aaj karke saari lock, Zindagi ko apni main naya hi mod du. . (2nd Verse) “Raja hai akela, koi bhi ab rani nahi hai, Padh sako jo tum, aasan itni ye kahani nahi hai, Saaya bhi chhod bhaaga hai ye saath mera, Zinda hoon main aisi koi bhi nishani nahi hai.” . Akela hoon main tanha, fir se hona nahi hai, Yaadon mein kisi ki fir se mujhko khona nahi hai, Samaa chuka hoon kaali raat mein main is tarah, Sawera mujh mein ab fir se hona nahi hai. . Yaadein teri neend meri cheenti hain, Tumko na pata, pal ye kitne keemti hain, Itna na sata mujhko, nahi need teri, Mujhko bas need thodi si afeem ki hai... – Khatam.