Sahara

Hook Sahara bana tera, tu bana kya? Tum deke gaye dard, main saha tha. Woh jayenge tujhe chod, ho jayenge woh kathor, yeh batein meri sunn, Aur de tu rasta mod. Yeh gane denge saath koi nahi aur. Main maangu usse maut, Woh bole jeele aur (2) Verse Uska aura kare bless mujhe, But she needs some cash to stay. And I'm not a bengali, That's why she's not my bae. Dil mein, main rakhta na koi gile Dil mein hai jo woh kagaz mein mile Apno se zyada paraye mile Girte toh kahan sahare mile, Main likhta hi rehta hoon ab, Logon se batein na hoti hai, Main Kitna bhi kar loon unke liye, Akhir mein mujhko hi dooriyaan milti hai. Un logon se haske miloon, Jin logon ke ragon mein saazishen milti hai. Zamana hai yeh be-rehem, Na jane kitni yahan khwahishen marti hai. Dard mein likhe yeh alfaaz mere hai, Naam ke hai dost yeh na khaas mere hai, Dard mein main dooba koi na paas mere hai Bachpan hua khatam, koi na aas meri hai. Har dard ki dawa nahi dawa mein, Kuch dard ki dawaayein hai wafa mein. Use pata nahi, usse kitna khafa main, Raton mein roya hoon kitni dafa main. Wafa karne ki shayad yahi saza hai, Deti mujhe dard yeh woh uski raza hai Likhai ka hunar mujhe usi se mila hai Tu aayi nahi milne bas yahi gila hai, Iss bharam mein, main baitha hoon Ke woh aayega khudse yeh kehta hoon, Kab toh ayega naya savera joh Iss ummeed mein kaafi dard sehta hoon, Uske nashe mein toh bhi behka hoon Uske yaadon se aaj bhi mehka hoon Koi na chahiye mujhe aas-paas mere Fir bhi uski kami ko main sehta hoon. Hook Sahara bana tera, tu bana kya? Tum deke gaye dard, main saha tha. Woh jayenge tujhe chod, ho jayenge woh kathor, yeh batein meri sunn, Aur de tu rasta mod. Yeh gane denge saath koi nahi aur. Main maangu usse maut, Woh bole jeele aur (2)