Shri Ram Mandir Ek Aaina

Log kehte fir rahe , phir se yahaan Shreeram Janki ayenge , Main puchta hoon , kya log magar itihaas se sabak le payenge , Jab babar ne shirqat ki tab bhi shree ram yahin the , Aurangzeb ne dahshat ki tab bhi shree ram yahin the , Mathura kashi dhwast hui tab bhi shree shyam yahin the , Dwarka ranjit raqt hui tab bhi wo shyam yahin the , 30000 shivalay toote jab saare dhaam yahin the , Ram yahin the , Shyam yahin the , aur Hanuman yahin the , Afsos ki baat magar tab bhakton ke dhyan nahin the , Aur kahin the aur kahin the shayad wahan nahin the , Dharm ki khatir mar mit jayein aise pran nahin the , Hunkaar hawaon mein ghol de aise yashgaan nahin the , Koi chaukhat choone naa paye aise aavhaan nahin the , Bikhre Bikhre patthar the lekin chattaan nahin the , Satta lolup rajaon mein aatma sammaan nahin the , Log kehte fir rahe , phir se yahaan Shreeram Janki ayenge , Main puchta hoon , kya log magar itihaas se sabak le payenge , Jab mandiron mein gagan chumte swarn ke dhwaj lehrayenge , Kya phir se Ghazni Ghori jaise Giddha na mandrayenge ? Jab ghantiyon se Raghuvanshi yash kirti ke gaan gayenge , Kya phir se babar aurangzeb se naag naa lehrayenge ? Gar aisa ho to khud se puchna , Ek pal rukna aur tatolna , Saanpon ko kuchalne ki khatir kya tum Bajirao ban paoge ? Koi Rana , koi Chhatrapati kya koi Pruthu ban paoge ? Main phir kehta hoon , Ram yahin the , Ram yahin hain , Ram kahin na jayenge Jis din ghar ghar mein Rashtrabhakti ke beej boye jayenge Dharmo Rakshati Rakshitah ke ke jaykaare gaaye jayenge Us ghar ki Chaukhat choomne ko Shri Ram swayam chale aayenge Log kehte fir rahe , phir se yahaan Shreeram Janki ayenge , Main puchta hoon , kya log magar itihaas se sabak le payenge