SANNATA

Raat ke panne, khaali lagte hain, Khwabon ke peeche, aansu chipte hain. Subah hoti hai, par roshni nahi, Chehre pe muskaan, par asli nahi. Dil mein hai ek aas, jo chillati hai, Par duniya ke shor mein , kho jaati hai. Raat bhar soch ka jadoo chalta, Waqt bus karwato me katta , Main khud se milne ko.. tarasta Khud se door, logo se chhupta. Andar ka sannata kuch kehna chahta hai, Koi to ho jo bas sunta jaaye. Main toota nahi, bas gum sa gaya hoon, Koi toh ho jo bs asshaye de jaaye. Kabhi kabhi toh lagta, bus ruk jaayein, Saansein bhi bus chhoti choti ho jaayein. Sab kuch bhs peche reh jaaye, Nafrat bhi ab khud se ho jaayein. Par ek pal aaya, jahan roshni thi, Ek dost, ek lafz, ek baat si thi. Jo andhere me chupi ek ass si thi, Us aas mein me basi saari pyaas si thi. To maine har aansu ko geet banaya, Zakhmon ko likh kar unhein gaaya. Chehra ab bhi wahi hai, par aaina naya, Raat lambi thi, par savera aaya. Andar ka sannata ab geet mein dhalta hai, Main likhta jaaun, dil ke raag banta hai. Na main kamzor, na main akela hoon, Khud se ladkar, khud ke saath khada hoon.